Hum nazuk nazuk dil waley

Hum nazuk nazuk dil waley
Kabhi hastey hain kabhi rotey hain
Kabhi dil mein khwab parotey hain,

Kabhi mehfil mehfil phirtey hain,
Kabhi zaat mein gum ho jatey hain,

Kabhi chup ki mohar sajatey hain,
Kabhi geet labon par atey hain,

Kabhi sab ka dil behlatey hain,
Kabhi khud tanha ho jate hain,

Kabhi shab bhar jagtey rehtey hain,
Kabhi lambi taan k sotey hain,

Hum nazuk nazuk dil waley Bas,
Bas Aisay Hi To Hote Hein…