Mujh ko shikast-e-dil ka maza yaad aa gaya,
Tum kion udaas ho gaye, kia yaad aa gaya?
Kehne ko zindagi thi, bohat mukhtasar magar,
Kuch yun basar hue k, khuda yaad aa gaya.
Barse bina hi jo, ghata aagey nikal gai,
Ik be’wafa ka Ehd-e-wafa yaad aa gaya.
Yun chonk uthe wo, sun kar mera shikwa,
Jesay unhain bhi koi gila yaad aa gaya.
Hairat he tum ko dekh k, masjid mein Ae “MOHSIN”,
Kia baat ho gai jo, KHUDA yaad aa gaya.
No comments:
Post a Comment